Subteno

Vi opinias la Internacian Arkivon grava kaj subteninda iniciato. Vi povas iĝi parto de ĝi!
Tio gravas al ni: IEspA ankoraŭ ne estas subvenciata de ŝtato, provinco, urbo aŭ iu ajn publika aŭ privata instanco. Ĝi plene dependas de via subteno.

Ni tutunue serĉas taŭgan ejon. Estu minimume 200 m2-an, je mallonga distanco de grava trajnstacio, centre en Flandrio/Belgio, uzebla kiel arkivejo aŭ facile adaptebla (temperaturo, humideco, stabileco,...).
Kvar- kaj kvinciferaj donacoj jam alportis 250.000 €, sed por aĉeto, instalo, startkostoj... ni aldone bezonas similan sumon. Via donaco do tre bonvenas.
Se la financoj permesas, la aĉeto de tia ejo jam realigeblos en 2024.


Dumtempa oferto de Anonymus: unu eŭro de vi donacita valoras du!

Por ĉiu eŭro kiun vi donacos al Internacia Esperanto-Arkivo Anonymus aldonos unu eŭron (*). Via unu eŭro do alvenos kiel du eŭroj.

(*) Ĉi tiu oferto validas por ĉiuj donacoj inter 50€ kaj 5.000€ kiuj alvenos antaŭ la 31a de julio 2024 en la konto de IEspA (sube de ĉi tiu paĝo: BE06 7310 5180 2722).Aŭ 50.000€? Pli altaj sumoj ankaŭ eblos, post antaŭa interkonsento (info@iespa.eu).


Ni aldone bonvenigas ĉiun efektivan helpon de volontuloj kiuj, surloke aŭ distance, plikompletigos la nunajn kvar-kvin volontulojn.
Por partopreno al eŭropaj projektoj pri arkivado kaj diĝitigado ni serĉas internaciajn partnerojn kun sperto ĉi-rilata.

Ekzistas pluraj eblecoj por subteni:

  • Volontulo: faras specifajn taskojn por kaj/aŭ en IEspA
  • Mecenato: grandega kontribuo al la arkivejo kaj funkciado de IEspA
  • Investanto: kunposedanto de la arkivejo de IEspA
  • Amiko de IEspA: kvazaŭ membro, subtenas la konstantan funkciadon de IEspA per jara pago
  • Briko: aparta kontribuo al la arkivejo de IEspA

Volontulo

Volontulo faras specifajn taskojn por kaj/aŭ en IEspA. Tiuj povas esti simplaj ripetitaj agoj, tra pli specialigitaj taskoj, ĝis aktiva engaĝiĝo en la administrado de la arkivo. Povas esti neregulaj kontribuoj, tra ĉiusemajnaj fiksaj horoj, ĝis vera hobio.
Klakante ĉi tie vi trovos liston de taskoj. por inspiri vin.
Se vi pretas dediĉi parton de via tempo al la kultura heredaĵo de Esperanto, aŭ se vi havas sperton aŭ ideojn pri tio, proponojn, rimarkojn, sciigojn,... tiam nepre kontaktu nin, pere de la formularo en la 'kontakto'-paĝo.

Ni specife serĉas nun helpantojn kiuj pretas surloke (en Winksele, Belgio) sinsekve kontroli ĉiun libron kaj aldoni informojn (stato, formo, lingvo k.s.) al la katalogo. Nur post tiu laboro ni povos transformi nian katalogon al Koha, por pli profesie labori. Neniu antaŭkono bezonata, post kelkaj minutoj da klarigoj vi jam povas fari tiun taskon. Ni taksas ĝin je kelkcent laborhoroj, do ĉiu help(et)o bonvenas!.

Sinanoncoj ege bonvenas, pere de la formularo en la 'kontakto'-paĝo.

(reen al la superrigardo)

Mecenato

La asocio bonvenigas mecenatojn por ebligi la aĉeton de taŭga ejo por konservi la kolekton. Por tiu ejo estas bezonataj kelkcentmil eŭroj, aldone al la sumo kiu jam haveblas.
La mecenatoj estos eternigitaj kiel la homoj kiuj kune formas la bazon de la Internacia Esperanto-Arkivo, homoj kiuj do kvazaŭ kunfondis ĝin. Vi ege bonvenas!
Klakante ĉi tie vi trovos pliajn klarigojn pri tio.

Sinanoncoj kaj sugestoj ege bonvenas, pere de la formularo en la 'kontakto'-paĝo.

Ni kore dankas la jamajn mecenatojn kiuj grave subtenis la Internacian Esperanto-Arkivon en 2021:

  • pluraj anonimaj donacoj, Belgio, 2021/2023
  • Katja Lödör, Gent (BE), 2021-2023
  • Jo Haazen, Antwerpen (BE), 2021
  • Esperanto 3000 vzw, Leuven (BE), 2021
  • Libroservo de Esperanto 3000 vzw, Leuven (BE), 2021
  • André Ruysschaert, Itzig (LU), 2021
  • La Hirundo, Tienen (BE), 2022

(reen al la superrigardo)

Investanto

Investanto pretas aĉeti onon (almenaŭ 10%) de la propra ejo de IEspA.
Tio ne estas pura donaco, sed investo.
Tamen investanto sciu ke la investaĵo ne facile vendeblas (nur al anstataŭa investanto, kun grava kosto) kaj ne alportos lumonon. La nura atendebla profito de la investante estas do la plivaloriĝo de la konstruaĵo. En tiu senco la investo samtempe tamen estas konsiderata donaco.

Sinanoncoj kaj sugestoj ege bonvenas, pere de la formularo en la 'kontakto'-paĝo.

(reen al la superrigardo)

Amiko

Ni proponas kvar kategoriojn, gradigitaj laŭ financaj eblecoj kaj laŭ rekompenco. Al ĉiu kategorio apartenas propra koloro kaj propra briko.

  • roza amiko: 5 € jare - ricevas jarraporton + ĉe aldona aĉeto (en la sama jaro) de briko(j) rajtas je 1 roza briko kun surpresita nomo
  • lazura amiko: 15 € jare - ricevas jarraporton + 1 lazuran brikon kun surpresita nomo
  • ora amiko: 45 € jare - ricevas jarraporton + 1 oran brikon kun surpresita nomo
  • ebura amiko: 100 € jare - ricevas jarraporton + 1 eburan brikon kun surpresita nomo

Amikoj anoncu sin per la formularo en la 'kontakto'-paĝo. Menciu la nomon surpresotan kaj la adreson al kiu ni sendu la brikon. Vi responde ricevos ĉiuj detalojn pri la pago.

La unua (ebura) Amiko iam estis Bert Boon (iniciatinto de ENA - Esperanto-Numismatika Asocio), la unua (ora) Amikino Vivienne Tudts. Multaj sekvu la bonan ekzemplon.

(reen al la superrigardo)

Briko

Vi povas aĉeti propran simbolan brikon en la konstruota arkivejo. Eĉ pli: aĉetante brikojn, vi povas konstrui vian propran IEspA-mureton!
La IEspA-briko ja havas la fizikan formon de helverda subtenkarto (A6) kun tridimensiigebla briko. Per ili eblas iom post iom krei propran muron en la hejma montroŝranko.

  • unu briko je 7 €: jen komenco de konstruota mureto
  • tri brikoj (en unu sendaĵo) je 18 €: tiel jam eblas konstrui dunivelan mureton
  • ses brikoj (en unu sendaĵo) je 33 €: ili ebligas trinivelan mureton
  • dek brikoj (en unu sendaĵo) je 50 €: ili ebligas kvarnivelan mureton

Amikoj de IEspA povas ornami sian muron per alikoloraj brikoj kun surpresita propra nomo. Tiel la mureto iĝas daŭre pli valora kaj bela.

Por aĉeti briko(j)n plenigu la formularo en la 'kontakto'-paĝo. Menciu la adreson al kiu ni sendu la briko(j)n. Vi responde ricevos ĉiuj detalojn pri la pago.

(reen al la superrigardo)